موقف الأكاديميه من مباراة الحلم التى تحولت لكابوس

تعلن الأكاديميه عن موقفها الحزين بعد ماحدث لمصر مع الجزائر
ولذلك
تم تغير الاستيل للأكاديميه
وأرتدائها الثوب الأسود حزنا وحسره على الحلم الذى تحول إلى كابوس
وإلى شعارا أخر يدفع في قلوبنا الفرحه قريبا إن شاء الله
في العيد المبارك أعاده الله علينا بالخير واليمن والبركات
وشكرا
إدارة الأكاديميه

يعني انتى يا جاسمين رأيك انى الأكاديميه تقلع الأسود
انا والله زعلان بس على انى الجزائريين فرحو فينا مش اكتر
لكن كوره وكاس ده نصيب

حاضر جاسمين وميرسي ليكي انك خلتيني مافضلش في حالة الأسود كتير

انا صحيح ماشوفتش الاستايل الاسود ده

بس الحمد لله ان تم تغييره

لان اخلاق المصريين كانت واضحة

واخلاقهم كانت واضحة برضه

وهما كده اتفضحوا ادام العالم

وربنا ان شاء الله هيجازيهم على اللى عملوه

ربنا يمهل ولا يهمل

وانا على قد امبارح ما زعلت لان فرصتنا فى الفوز كانت كبيرة وهما كانوا بيضربوا فى لاعبينا

الا انى حمدت ربنا على عدم الفوز من بعد ما سمعت وشوفت اللى عملوه فى الجمهور المصرى .. منهم لله وربنا يديهم على قد نيتهم السودة

انا شايفة ان هما لعبو كويس امبارح وعملو اللى عليهم
واتبهدلو جامد كمان
يعنى اى نتيجة هما وصلولها احنا المفروض منزعلش منهم عليها لان اللعبة دى محتاجة تركيز وهما اعصابهم مشدودة من ساعة الماتش اللى فات
طبعا كانت صادمة لينا ان الجزائر هى اللى تكسب بس الحمدلله
اما بقى عن شكل الاكاديمية الجديد يا بيسووو
احنا متعودناش عليها كدا
ولو هتستمر كدا ممكن بقى نحاول نعدل فيها شوية عشان انا حاسة ان هى اتغيرت خالص
وياريت تخلى التعديل فى شكل الاكاديمية فى بداية السنة الجديدة

ماهى دي تجديدات الأكاديميه وتحضيرات لعالم 2010
يعني الأكاديميه هترجع لزيها الأصلي بس بعرض عليكم الاستيل اللى ممكن تكون فيه الأكاديميه في عام 2010
وبعد كده ممكن نرجع لما اتعودنا عليه
كنوع من التجديد بس
وانا كاتب اراء حول الاستيل لعام 2010
مستنى ردودكم
وعلى فكره انا من عشاق اللون الاصلي للأكاديميه لأسباب كتير
بس كنت بشوف التغير كنوع من البهجه والتغير

والله يا بيسووو التغير جميل جدا
دا من وجهة نظرى انا عن نفسى بعشق التغير
بس انا بقول لما نغير فى شكل الاكاديمية او نعدل اى حاجة فيها
نخليها متبعدش كتير عن شكلها اللى احنا متعودين عليه
واللى هو اللون الازرق